6. ԱՍԱ, ԻՆՉՈ՞Ւ ԴՈՒ ԼՈՒՌ ԵՍ - (մենակատար` Վալյա Սամվելյան, 1976թ.)

АСА, ИНЧУ ДУ ЛУР ЭС - Валя Самвелян

ASA INCHU DU LUR ES - Valya Samvelyan


04’25'' → Скачать
Художник М. СарЬян

ԱՍԱ, ԻՆՉՈ՞Ւ ԴՈՒ ԼՈՒՌ ԵՍ

Դու, աննման, իմ կյանքի լույս, իմ հոգյակ,
Ձմեռ հալող գարնանային արև ես,
Կարոտ առնող զով զեփյուռ ես դու խոսնակ,
Կյանքիս այգում դու կենարար անձրև ես:

     Ասա՛, ինչո՞ւ դու լուռ ես, սիրո՛ւն ջան,
     Ղարիբի պես տխուր ես, սիրո՛ւն ջան,
     Իմ սրտին սիրո հուր ես, սիրո՛ւն ջան,
     Մո՛տ արի:


Դու իմ սերն ես, քո բուրմունքն է իմ սրտում,
Քո անունը, քո պատկերը իմ մտքում,
Դու փայլում ես, որպես լուսին երկնքում,
Լույս ես տալիս մութ գիշերին, լուսերե՛ս:

     Ասա՛, ինչո՞ւ դու լուռ ես, սիրո՛ւն ջան,
     Ղարիբի պես տխուր ես, սիրո՛ւն ջան,
     Իմ սրտին սիրո հուր ես, սիրո՛ւն ջան,
     Մո՛տ արի:


Ծարավ առնող հազար ակնյա աղբյուր ես,
Սիրող սրտիս կյանք պարգևող համբույր ես,
Հազար ծաղկով, հազար երգով գարուն ես,
Դու Աշոտիս հավերժական նվերն ես:

     Ասա՛, ինչո՞ւ դու լուռ ես, սիրո՛ւն ջան,
     Ղարիբի պես տխուր ես, սիրո՛ւն ջան,
     Իմ սրտին սիրո հուր ես, սիրո՛ւն ջան,
     Մո՛տ արի:



Նոտագրությունը` Հովհ. Բադալյանի