|
На горные пастбища. 1957.
Бажбеук-Меликян Лавиния Александровна
/Дочь известного армянского художника Александра Бажбеук-Меликяна/
|
ՍԱՐՎՈՐԻ ԵՐԳԸ
Ես ձեր լեռների սարվորը դառնամ,
Աղավնաձորով սարը բարձրանամ,
Ոտքերս թրջեմ արծաթե շաղով,
Յա՛ր, գովքդ ասեմ հազար մի խաղով:
Քո սերը երգեմ քաղցրիկ
Սարերում բարձրիկ,
Ուրախ, երջանիկ:
Երգերով արի՛, խաղերդ առնեմ,
Քո սիրով լեցուն տաղերդ առնեմ,
Կապույտ երկնքից քեզ վրա ցողված,
Թուխ-թուխ մազերիդ շաղերը առնեմ:
Ծուփ ծով են դարձել արտերը բերքի,
Մեղմ օրորվում են հասկերը բերքի,
Ամեն սրտի մեջ, ամեն արտի մեջ,
Հնչում են ուրախ երգերը բերքի:
Իմ ջահել սրտին գարունք ես տալիս,
Իմ խաղ ու տաղին ակունք ես տալիս,
Գուսան Աշոտը քո գովքն է անում,
Ձմեռն էլ գարնան բուրմունք ես տալիս:
Նոտագրությունը` Թ. Ալթունյանի